Quandu si sceta a cuscenza s’alza a risistenza …
SCELTA PARA accusa i malfattori ecunòmichi quant’è pulìtichi impòsuci da u Statu francesi è i so bandi mafiosi, di fà cumpariscia a nostra cumpagna di A manca, Anna Laura Cristofari, davant’u tribunali di sittembri pà diffamazioni.
Dicisi à fà spariscia ogni forma di risistenza, i servi praputenti di a predazioni imperialista di u nostru locu, cìrcanu d’anientà tutti i sintinelli di a Còrsica nazioni.
‘Ssu accanimentu ricurrenti da impona un trattamentu penali à i quistioni d’òrdini pulìticu, riveni in rialità à sottintenda ch’ellu ùn ci hè prublemu pulìticu. ‘Ssu pustulatu illustreghja chjaramenti l’andatura d’unu Statu viulenti ed a so vulintà di sdrughja tutti quelli chì fàcenu òpara cumuna di a so azzioni pulìtica quant’è rivoluziunaria di a lotta di liberazioni naziunali è suciali di u nostru paesi. Purtendu davant’i tribunali cuntrasti pulìtichi, riveni à caccià à u pòpulu u so drittu à risista.
Issa andatura riazziunaria ci rinforza da nutriscia è ingrandà a risistenza, pa’ u cambiamentu radicali di ‘ssa sucetà di u soldu. Essa indè à rialtà di i lotta ubligheghja a cuntribuiscia à issa andatura di risistenza è di solidarità.
SCELTA PARA teni ad accertà a so adesioni à u culletivu contr’à a speculazioni è u drittu à l’alloghju in Calvi, è participarà quant’ ellu a pudarà in funzioni di i so mezi à tutti i mossi di sustegni in favori d’ Anna Laura.
Chjamemu u nostru pòpulu à l’insumissioni naziunali ed à a ricusa massiva, sistemàtica, di tutta misura ripressiva. Faremu fronti è, strada facendu, òpara cumuna d’una sulidarità rivoluziunaria ‘cù Anna Laura.
U muvimentu da una SCELTA PARA.
Faites passer l’information autours de vous en cliquant sur :
Produit CORSU E RIBELLU
