(Michaël Andreani – Alta Frequenza) – Una cunsultazioni rilativa à a nuzioni di citadinanza corsa hè stata urganizata, a dumenicata scorsa in Siscu, da u Cumitatu Culturali, Ecunomicu è Suciali di u Capicorsu, cù u sustegnu di u cunsiglieri municipali di a cumuna è di Corsica Libera. Issu Cumitatu hè cumpostu d’omi è donni, fendu parti, ghjustu appuntu di Corsica Libera, cù i so dui presidenti candidati à i cantunali capicursini. In issu rughjoni, “chì si vedi di più in più minacciatu da a cullata di i prezzi di l’alloghji, è da u carattaru pessimu ch’ella pò inghjinnà”, l’alittori chì currispundiani à i criterii di issa citadinanza corsa, ani pussutu sprima si à traversu à un referendum, ispiratu da u mudellu catalanu. È nant’à 830 scritti è 300 voti spressi, 92,66% di i vutanti ani rispostu à favori di issa nuzioni quì. Un risultatu chì si voli purtadori d’un certu missaghju di cambiamentu da a parti di l’eletturatu, sicondu à u Cumitatu, da tuccà l’istanza pulitica suprana : l’Assemblea di Corsica.
Stemi à senta à Sébastien Quenot, membri di u Cumitatu.
Faites passer l’information autours de vous en cliquant sur :
Produit CORSU E RIBELLU
