(Unità Naziunale – Publié le 26 avril 2018 à 08h28) UGETTU : CHJUDITURA CLASSE BISLINGUE.
INTESU chì a cunvinzione Statu-inziana CTC annunciava a generalizazione di e filiere bislingue in scola materna pò in lu primariu,
INTESU chì in lu 2005 u pianu di sviluppu di l’insignamentu di a lingua è a cultura corsa di l’inziana CTC, era primurosu in u so pianu d’azzione di mette in piazza un insignamentu bislinguu generalizatu in tutte e scole primarie nantu à 7 anni da u 2007 sin’à u 2013, cù à tempu a valutazione di 300 maestri di scole in lingua corsa,
SAPENDU chì hè prevista a chjuditura di trè classe materne bislingue in Aiacciu,
SAPENDU chì e tre scole di ste classe sò cunsiderate « REP »,
SAPENDU chì u retturatu avia dinò a pussibbilità di chjode classe in e filiere dette « standard »,
SAPENDU chì l’insignamentu dettu immersivu hà da principià infine à sviluppassi,
SAPENDU chì sò i scagni apposta di a municipalità d’Aiacciu chì danu e precisione à i parenti è arrigistreghjanu e scrizzione di i zitelli in e sfarente scole di i settori,
SAPENDU chì à a riintrata à vene di u 2018/2019, i CP saranu sduppiati,
L’ASSEMBLEA DI CORSICA HÈ OPPOSTA à a chjuditura di classe bislingue.
DUMANDA à a municipalità d’Aiacciu chì i direttori di e scole bislingue pudessinu participà à e cumissione dette di i « guichet unique » da pudè dà u so parè nantu à e repartizione.
DUMANDA ch’ella sia fatta una campagna ubligatoria di prumuzione di a lingua corsa quand’elle sò aparte e scrizzione.
DUMANDA chì i posti di sduppiamentu di i CP à a riintrata 2018/2019 sianu posti bislingui.
DUMANDA chì u pianu di furmazione è di generalizazione di u bislinguisimu sia rinfurzatu è messu in piazza.
RAMENTA chì e scole materne sò e fundazione di e pulitiche messe in piazza da a nostra cullettività à prò di a lingua è d’una sucetà bislingua.
Produit CORSU E RIBELLU
