A duminazione linguistica ùn hè quellu sistema simplice è lineariu chì omu pò imaginà – Seti maestru di cunfarenze à l’università di Corsica, spicialistu di minurazioni linguistica è di pulitiche linguistiche, aveti cacciatu un libru pocu fà, ci ni pudeti parlà à pena ?
Aghju vulsutu capisce po palisà tutti i funziunamenti à livellu sociolinguisticu in situazione di duminazione linguistica. Mi sò appughjatu in maiò parte nantu à u tarrenu corsu. Si trattava di mustrà chì a duminazione linguistica ùn hè quellu sistema simplice è lineariu chì omu pò imaginà. Hè bellu più cumplessu è sopra à tuttu cumpostu di paradossi è d’ambivalenze ch’ella sia à livellu di u duminante o di u duminatu. Si parla assai di diglussia in li vostri ricerchi ma cumu si pò difiniscia quilla diglussia ? A diglussia hè unu di cuncetti maestri di a sociolinguistica. Si tratta di duie lingue nantu à un listessu tarritoriu senza u listessu statutu cù una ripartizione funziunale di l’usi linguaghjaghji. Si pò dì chì ghjè l’attribuzione di funzione suciale sfarente à ogni lingua prisente. Par un dettu, una lingua hà da ghjuvà pà sprime l’affari furmali, publichi, sarà lingua di a scola, di l’amministrazione, sarà lingua scritta… invece chì l’altra sarà aduprata pà ciò chì tocca e cose private, infurmale, e cunvirsazione famigliale è amicale, sarà lingua unicamente urale… L’una sarà cunsidarata cum’è « lingua di u pane » è l’altra cum’è « lingua di u core ».
(…)
by @Lazezu
Revue de Presse et suite de l’article :
sur Corse Matin, sur Alta Frequenza, sur RCFM, Sur Corsica, Sur le Journal de la Corse, Sur Paroles de Corse
Sur Alcudina, sur Corsica Infurmazione/Unità Naziunale, sur France 3 Corse, Sur Corse Net Info (CNI)
Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale]
Produit CORSU E RIBELLU
