Ricreata à a fine di u 2012, a Ghjuventù Indipendentista hè oghje in Bastia pè fà un puntu annant’à a s’attualità è per ufficializà a so presenza in Bastia, dopu à a Balagna, Portivechju, Sartè, Aiacciu, Corti è u Capicorsu.
In sti pochi mesi avemu riesciutu à diventà incù più di centu militanti è dicine di simpatizanti, u primu muvimentu di giovani in Corsica. L’azzione sò state numarose : distribuzione di tract, occupazione, affissi, prese di pusizione, ùn s’hè passatu una simana senza chì a GI sia sott’à u lume di l’attualità pulitica è militante corsa. U nostru calendariu pè e simane chì venenu hè carcu, dop’à u votu storicu annant’à a cu-ufficialità di a lingua corsa à l’assemblea di Corsica, rivindicazione di sempre di u muvimentu naziunale.
Per tutti quelli chì si sò battuti pè stu paese in quarant’anni, quelli chì sò cascati, ghjè una manera di mustrà chì a nostra lotta hà un sensu è ghjove à qualcosa. Ma sapemu bè chì a Francia ricuserà sta misura cum’ella ricusò, ind’è u passatu, tutte l’avanzate pruposte pè u nostru paese. Saperemu truvà u mezu d’imponelu. U statu, ellu, cuntinueghja à fà falà una vera ripressione annant’à i nostri militanti. Vennari sera dui giovani di a GI chì eranu in traccia di mette affissi in Bastia si sò fatti arrestà è sò stati messi in guardia custoghja. Mentre chì i dealers facenu u so trafficu tranquillamente, metre chì l’assassini cuntinueghjanu à tumbà, i gattivi è periculosi affissanti di a GI sò u bersagliu principale di a pulizza francese. Ognunu ne penserà ciò ch’ellu vole.
Pè ciò chì tocc’à a repressione torna, u prucessu di i nostri militanti chì avianu occupatu pacificamente a sottu-prefettura di Corti s’apre in Bastia u 26 di ghjugnu. Stu prucessu inghjustu, incù accusazione ridicule è false, sarà l’occasione di mustrà chì a nostra struttura, u muvimentu naziunale è a sucietà corsa di manera generale ùn lascieranu i so figlioli fassi cundannà per nunda. Ghjè per quessa chi chjamemu à l’addunita davanti è nentr’à u Palazzu di Ghjustizia di Bastia u ghjornu di u prucessu.
FRANCIA, A NOSTRA RESISTENZA SERÀ SEMPRE PIÙ FORTE CHI A TO RIPPRESSIONE
A nostra mubilisazione ùn s’indebbulisce : ci tocca à parlà di a situazione dramatica di u fundariu cù a fine di l’arrestati Miot chì cuntinueghjanu à spulià u nostru populu di a so tarra, ci tocca à mubilizacci pè a cursisazione di l’impieghi, pè a prutezzione è a messa in valore di u nostru patrimoniu culturale è storicu. Parechje azzione seranu date in tutte e nostre sezzione, e simane chì venenu, in stu sensu. Ogni ghjornu, giovani tocchi da a nostra dimarchja sputica è indipendenta ci raghjunghjenu. A nostra assemble generale si farà u 7 di lugliu à l’università di Corsica. Tutti quelli chì sò interessati da a nostra indiatura sò invitati.
A nostra cuscenza ghjè RESISTENZA Lotta ghjuventù l’avvene sì tù !
Ghjuventù Indipendentista
Les deux derniers articles :
#corse Interpellation, libération et convocation de deux militants de la Ghjuventù Indipendentista
by @Lazezu
Revue de Presse et/ou suite de l’article :
sur Corse Matin, sur Alta Frequenza, sur RCFM, Sur Corsica, Sur le Journal de la Corse,
Sur Alcudina, sur Corsica Infurmazione/Unità Naziunale, sur France 3 Corse, Sur Corse Net Info (CNI)
Corsica Infurmazione: l’information de la Corse, des Réseaux sociaux, des blogs politiques
Produit CORSU E RIBELLU
