#corse – Balagne: Giuventù Arritta rejoint la Ghjuventù Indipendentista

(corsematin.com) Lors de son assemblée générale extraordinaire, l’association balanine Giuventù Arritta a décidé à l’unanimité de rejoindre le syndicat étudiant Ghjuventù Indipendentista.

Dans un communiqué, l’association affirme vouloir « unir [ses] forces à celles du mouvement national et en particulier Ghjuventù Indipendentista et de créer une section en Balagne… » Giuventù Arritta remercie celles et ceux qui ont participé à son aventure et invite l’ensemble des jeunes insulaires à rejoindre les différentes structures de la Ghjuventù Indipendentista.

(Unità Naziunale) Une fusion entre deux structures de jeunes nationalistes a eu lieu hier soir en Balagna, le mouvement A Giuventù Arritta qui a été crée en 2009 afin de fédérer les jeunes balanins a rejoint la démarche nationale d’A Ghjuventù Indipendentista. La section BALAGNA d’A Ghjuventù Indipendentista est donc en place, pour les contacter : Sur FaceBook Ghjuventù Indipendentista BALAGNA

L’associu Giuventù Arritta hà dicisu à a magiurità di i so membri di raghjunghje u muvimentu Ghjuventù Indipendentista.

Sò digià parechji mesi chè no travagliemu incù d’altre persone di u muvimentu naziunale corsu. In una reunione u 31 di marzu in Lumiu avemu pigliatu a decisione d’assucià e nostre forze militante à quelle di u muvimentu naziunale « Ghjuventù Indipendentista ».

Ricreata 6 mesi fà in Corti da giovani primurosi di fà valè e rivindicazione di a lotta naziunale, a Ghjuventù Indipendentista hè un muvimentu di giovani prisente ind’è tutta a Corsica, incù parechje sezzione (Bastia, Aiacciu, Corti…).

Dopu à parechje vidute incù i militanti di a GI in Corti, avemu dicisu di furmà una Sezzione Balagna incù i membri di Giuventù Arritta.

Perchè sta scelta, oghje ? Prima di tuttu, perchè ci simu arvisti, travagliendu cun elli, ch’è no spartiamu à pocu pressu tutte l’idee di stu muvimentu.

A pluralità di l’urganisazione di giovani ùn ghjove à nunda. A partesi da u mumentu induve simu annant’à a stessa linea direttrice chì d’altre strutture, perchè cuntinuà à battesi soli da u nostru latu ?

Impegnati dapoi 4 anni ind’è a lotta di liberazione naziunale in Balagna, i membri di u nostru associu volenu avà purtà a so voce in a Corsica sana. Raghjunghje a GI ci paria dunque esse a manera a più efficace di falla.

A Ghjuventù Indipendentista hè un muvimentu indipendente, chì ùn hà primura di e divisione pulitiche in u muvimentu naziunale è chì s’impegna di manera impurtante ind’è a lotta di liberazione naziunale senza fà sfarenze di partiti o di tindenze. Hè dinù una di e ragione chì anu mutivatu a nostra decisione, chì sò parechji anni ch’è no aspittavamu a creazione d’un muvimentu cusì.

A Giuventù Arritta esisterà sempre, ùn hè una dissoluzione. Sarà forse prisente in Balagna torna pè qualchì azzione puntuale, ma pè a maiò parte di e nostre azzione seremu à fiancu à a Ghjuventù Indipendentista.

Vulemu ringrazià tutti quelli chì anu participatu à l’avventura Giuventù Arritta, di vicinu o da luntanu, è li dimu chì ùn hè micca una pagina chì si gira, ghjè un libru chì s’apre è chì aspetta a piuma di tutti per esse scrittu.

Invitemu dunque tutti i giovani di u nostru rughjone primurosi di l’avvene di a Corsica à raghjunghje stu muvimentu naziunale à traversu a nostra Sezzione Balagna, per mustrà à l’isula sana chì i giovani balanini sò sempre quì, sò sempre in resistenza, sò sempre in lotta è ùn lascieranu mai u statu, i culoni è i speculatori apprupiassi a nostra tarra mettenduci fora.

Invitemu dinù tutte e strutture di giovani naziunalisti ind’è tutta a Corsica à raghjunghje u muvimentu di a Ghjuventù Indipendentista, pè dà una vera forza à e strutture di giovani ! 

Affirmemu torna una volta a nostra vuluntà franca è chjara di batteci pè i diritti di u populu corsu, pè a prutezzione di a nostra tarra, pè u fundariu, pè l’ambiente, pè l’ufficialità di a lingua corsa, pè a prumuzione di a cultura, pè l’ugualità suciale frà i corsi, pè a ricunniscenza di a nostra nazione chì rinascerà ne simu sicuri, da quì à pocu.

UN STAREMU MAI ZITTI… 
CHÌ A NOSTRA CUSCENZA HÈ RESISTENZA !

Revue de Presse : 

Sur Corsica Infurmazione/Unità Naziunale, Sur France 3 Corse, Sur Corse Net Info, Sur Corse Matin, Sur Alta Frequenza

Vos Réactions, vos commentaires sur Ce forum ?

Corsica Infurmazione: l’information de la Corse, des Réseaux sociaux et des Blogs politiques [Plateforme Unità Naziunale] Vous aimez cet article ? Faîtes-en profiter vos amis !