Scelta Para manda u so sustegnu à a chjama di u Sindacatu di i Travagliadori corsi dà una greva generali, ’ssu 26 di Maghju, pà a difesa di u settori pubblicu di a saluta è di i so impiegati. N’u mentri di una crisi ecunòmica, qual’hè ch’hà dà nigà un spannamentu veloci di a puvartà ?
E in Corsica quant’è in astrò…Podarsi ancu di più. Chi, mentri chi i salarii di Corsica sò più bassi di 200 aurò cà ‘n Francia, mentri chi i prezzi sò più cari di u 10%, chi l’affittu hè crisciutu di u 74% ‘ssi cinqu’anni passati, a sfraiata di u sistema di a saluta pubblica t’hà risultati pisìi è priculosi pà tuttinghjunu.
Mà prima di i paroli, è di i cummunicati, u muvimentu Scelta Para s’impegna n’u terrenu suciali, è ci saremi in quissa lotta, manu’nd’a manu cù l’antri grevisti. Mandemu una chjama à tutt’i travaddadori di Corsica dà manifistà è battissi insembu pà u scambiu suciali.
Una greva ùn hè mancu solu attorr’à una rivindicazioni. Una greva ci poni a quistioni di a sucetà chè nò vulemi. Hè una stonda chi ci pò fà rifletta à i guai è i suluzioni. Hè pà quissa chi nò l’assiremi dà tutti i corsi : a forza di a cuncolta sola pò svultulà u statu è u capitalisimu. Insembu femi una scelta para ! E ‘ssa scelta si custruisci, à partisi di u 26 in i carrughji è l’intrapresi.
Ùn avaremi chè ciò chè piddaremi ! Femu a scelta para pà campà : indipindenza è rivuluzioni !
Produit CORSU E RIBELLU
