Si n’hè andatu à l’eternu Pierre Alessandri – #Corse

(Corsicainfurmazione.org – Publié le 18 mars 2025) Si n’hè andatu à l’eternu Pierre Alessandri.

Via Campagnola (23 mars) : Merci à toutes celles et tous ceux qui se sont manifestés durant ces jours sombres. La foule était si dense sur le parvis de l’église de Bucugnà pour accompagner, vers son dernier voyage, notre ami, collègue, Président régional et Président pour la Corse-du-Sud de notre syndicat Via Campagnola… Merci du fond du cœur. Pierre a été lâchement frappé dans l’ombre, mais sa lumière rejaillit. Vergogna à quelli chí si rallegranu in l’ombra — i vigliacchi. Pierre Alessandri est de ces hommes qu’on croit faire taire en les abattant, mais que la mort rend plus audibles encore. Passé ce temps de deuil, notre syndicat s’exprimera très prochainement par la voix de sa Présidente de Haute-Corse, Laetitia Simeoni. A ringraziavi, di core.

Via Campagnola (21 mars) : Aiacciu, u Mandriolu, Bucugnà. Adduluriti è accasciati i militenti di Via Campagnola ví facenu sapé chi u so capisindicatu Pierre Alessandri hè statu arrubbatu à a vita à I età di 55 anni da maní vigliacche è assassine. Spartimu u dulore di tutti i soi Ch ‘ ellu riposi in santa pace. A famiglia riceverà e parte à u spaziu Morelli in Aiacciu. L’interru si farà in ghjesgia di Santa Lucia in Bucugnà stu sabbatu à 11 ore.

EH Bai · Nous exprimons notre indignation face au meurtre de Pierre Alessandri. Le militant abertzale corse, à la tête du syndicat pour l’agriculture paysanne Via campagnola, a été assassiné alors qu’il luttait contre la corruption et la spéculation. Soutien à sa famille et à ses camarades de lutte.

Voici les réactions des principaux mouvements, des autonomistes aux indépendantistes, ainsi que des syndicats, et personnalités de Corse.

U Partitu di a Nazione Corsa : Erisera a Corsica hà persu un’antru figliolu. Pierre Alessandri, l’agricultore, u figliolu, u babbu di famiglia, u militente sindicale, u naziunalistu indiatu è l’amicu hè statu assassinatu. Erisera un’antra disgrazia, dopu à tant’altre strage, hà culpitu un’isula sana. Stamane u murtoriu chì sona trinneca ogni cuscenza, di pettu à a malamorte chì ferisce l’anima d’un paese è l’essezza d’un populu. Oramai ùn bastanu e parolle, nè mancu tutti sti discorsi. Pensendu forte à i soi è à u so dulore prufondu, spartimu a so pena tamanta, è li purghjimu affettu è sustegnu. Addiu o Pé, i militenti di u PNC propiu cummossi salutanu a to memoria. Ch’è tù possa truvà in sta terra ch’è tù tenia cusì caru u riposu eternu. À tè a Corsica regina.

Core in Fronte  · Hè statu tombu, à tradimentu, u nostru amicu Pierre Alessandri, eri sera in Sarrula è Carcupinu. Torna una volta, a Corsica cunosce l’affanu cù sta disgrazia è l’agricultura corsa pienghje un omu unestu è curagiosu. Pierre era un rispunsevule agriculu cù u sindicatu Via Campagnola, impegnatu, dipoi 30 anni, pè un’agricultura viva à prò di u populu corsu. S’occupava di a splutazione d’arranci di a so famiglia è facia una pruduzzione d’oliu essenziale in a so distilleria di U Mandriolu. Patriottu corsu, militente naziunalistu sinceru, Pierre Alessandri era un anzianu studiente à l’Università di Corti. Ghjuntu in u 1989 à a facultà di biulugia, militava à a CSC nanz’à esse unu di i fundadori di Ghjuventù Paolina in u 1992. Membru di U Rinnovu in u 1998, era candidatu à l’elezzione territuriale di u 2004. Vice prisidente di a Camara d’agricultura di u Pumonte, era statu, dinò, candidatu à a so prisidenza in u 2019. Era un puntellu di a difesa di terre agricule, sempre oppostu à a speculazione è u spussessu. A Corsica more di e so strage è di quelli chì cercanu à lampà la in lu foscu. Core in Fronte face e so parte di dolu à a so moglia, à a so figliola è à l’inseme di a so famiglia. Ci tenimu à fiancu à i soii.

Partitu Femu a Corsica · Torna una volta, a Corsica s’hè svighjata sta mani addulurita, in l’affanu, a collera è u dulori tamanti. Pienghji oghji un figliolu soiu, Petru Alessandri, assassinatu nantu à u so locu di travagliu, ch’eddu avia annacquatu di u so sudori, di i so strazii, ma dinò di a so fedi è di i so spiranzi, à u Mandriolu in Sarrula è Carcupinu. Omu unestu, patriottu arradicatu à a so terra, travagliadori d’ogni ghjornu, militanti sinceri in u sindicalisimu studientinu è dopu agriculu, Petru Alessandri era un esempiu di travagliu, d’unestità è di tutti i valori ch’è no bramemu pà u nosciu Paesi è u nosciu Populu. À i so parenti, à a so moglia Talou, à a so figliola Anne-Camille è à tutti i soi, Femu a Corsica prisenta i so cunduglianzi afflitti.

Nazione · Ghjorni fà, a vita hè stata tolta à Pierre Alessandri, tombu nantu à e so tarre di U Mandriolu, induv’ellu avia sviluppatu, dipoi tanti anni, a so attivita agricula. Militante sindicale, prima in a mossa studientina pò in u mondu agriculu, Pierre Alessandri era dinù un militante indiatu da giovanu ind’è a lotta naziunale corsa. Di pettu à issa strage, Nazione saluta a so mimoria, a so indiatura per a Corsica è manda e so parte sincere à a so famiglia quant’è à tutti quelli chì da issu dolu sò afflitti.

Le STC tient à apporter son soutien à la famille de Pierre Alessandri lâchement assassiné lundi dernier. Travailleur, syndicaliste agricole, homme honnête, ancien secrétaire général du syndicat Via Campagnola, militant, patriote engagé et intègre, il était reconnu et apprécié. En ces douloureuses circonstances, notre organisation syndicale adresse à son épouse, sa fille, sa famille et ses proches nos plus sincères condoléances. La Corse perd un symbole du syndicalisme agricole. Nous sommes de tout cœur avec les siens. La commission Exécutive du STC

Fà Populu Inseme · Una volta di più, a Corsica hè in dolu. Petru Alessandri, hè statu tombu arisera in Sarrula è Carcupinu. Omu unestu, agricultori è patriottu arradicatu à a so tarra, era un asempiu di travaddu è di valori. À i soii prisintemu i nosci parti afflitti. Ch’eddu riposi in paci..

Associu di i Parenti Corsi · Hè statu amazzatu à tradimentu u omu, un babbu di famidda, un travadaddori unestu, u capu d’impresa chi mittiva in ballu a so tarra, un militanti ingaghjattu. Fù elettu di i l’APC tanti anni fà. Una volta di più un volta di troppu, i forzi bughjosi chi portani à Corsica à caternu ani presu una vita è ancu di più una spiranza in l’avvena. Comu pinsà chi un omu chi hà datu l’ingaghjamentu di a sio vita à issa tarra possi avè una fini cusi tragica. Semi tutti culpiti pà iss’ assassiniu, hè una parti di no stessi chi hè culpita à traversu à Petru. A a so moglia, a so fiddola, a so famidda, i so amicci l’APC prisenta i so cundulianzi. Femu ghjuramentu d’essa fiddeli à a so lutta è chi i forzi vittuperii chi l’ani assassinatu fussini u ghjornu prossimu scufitti è cacciati pà sempri di a noscia tarra.

STC di I Spinghjifocu · Hè statu tombu à tradimentu u nostru amicu sindicalistu PETRU ALESSANDRI. Era un omu curaghjosu, onestu, travagliadoru , fidu à a so Corsica , à u cuntrariu da i so assassini Cù immensa tristezza è rispettu per l’omu dirittu ch’ellu era, u STC di I Spinghjifocu prisenta I so cunduglianzi à a so famiglia

Ghjuventù Paolina · Pocu parolle per ammintà ciò ch’hè torna accadutu eri sera in Sarrola-Carcopino. Pierre, membru fundatore di a Ghjuventù Paolina in u 92, era un omu drittu è sinceru chì hè sempre statu impegnatu in a difesa di l’agricultura corsa, anzituttu essendu un risponsevule in u sindicatu Via Campagnola. Ci dumandemu pè disgrazia, s’è pudemu cuntinuà à campà nù un’isula duve l’usi stumachevuli sò inchjustrati cusì prufondu in a nostra sucetà. Femu e nostre parte à a famiglia è tutti quelli chì tenenu caru à Pierre.

Ghjuventù Indipendentista ·Ghjè incù una tamanta pena è indignazione ch’è no amparemu l’assassiniu di Pierre Alessandri, agricultore pumontincu, stu 17 di marzu di u 2025 in Sarrola-Carcopino. Ammazzatu in u locu di Mandriolu, hè statu traspurtatu per via di e so ferite à l’uspidale di a Misericordia in Aiacciu. Da u 2019, Pierre Alessandri patia di pressions, un clima di minacce è d’intimidazione per i quali a ghjustizia francese avianu cunniscenza. St’assassinu ùn pò esse cunsideratu cum’è un fattu diversu, si scrive inde un cuntestu allarmante d’insecurezza è di tensioni lucali. Vulemu chì tutt’a luce sia fatta nant’à sta tragedia. Hè imperativu chì a ghjustizia è e forze di l’ordine piglinu e so rispunsabilità per identificà è perseguità l’autori di st’atti ignobili chì toccanu a Corsica sana dapoi digià troppu tempu. Mandemu e nostre cunduglianze e più sincere à a famiglia è à i so cari. U so campà è u so cumbattu à prò di a nostra terra ùn devenu esse scurdati.

Voce Naziunale · Sin’à quandu ? Una volta di più hè statu assassinatu un omu, un militante, un travagliadore. Sin’à quandu emu da campà in una Corsica sanguinosa minacciata da a logica di l’arme ? Sin’à quandu u nostru populu cunnoscerà ste disgrazie ? Sin’à quandu a ghjuventù corsa ùn puderà cresce senza a paura di u lindumane ? Oghje pienghjemu Pierre Alessandri, l’innamuratu di a so terra, unu di i so figlioli. U militante chì hà fattu di a so vita un cumbattu perch’è noi campemu in un paese liberu. Cunduglienze afflitte à a so famiglia è i so amichi. À tè l’abbracciu di sta terra.

Scelta Patriotta · I parolli mancani di pett’à a tristezza di ´ssa tragedia. Quantu malamorti bastarani pà pudè piantà ssu scumpientu ? Torna una volta, u populu corsu hà persu unu di i soii da una manu assassina infama. Era un militente di sempre, omu di prima trinca. Di quidd’omi sinceri, arradicatu à a so terra. A lotta di priservazione di a terra è di l’agricultura corsi, ni l’avia fatta soia, in un’andiatura schietta pà ch’eddu campessi d’una manera degna u so populu. Luni sera, sò in i lugichi ch’ùn acceteremu mai, chì si n’hè andatu à l’eternu Pierre Alessandri. Prisintemu i nosci parti affliti à a so famidda, è à tutti quiddi chì u tenenu caru.

Jean-Christophe Angelini, élu à l’Assemblée de Corse et Maire de Portivechju · Ùn ci hè più parolle, da pudè sprime a tristezza è u dulore chi ci toccanu oramai. Era Petru un’omu schiettu, impegnatu pè a so ghjente è a so terra. Ùn si pò nè spiegà nè capì tamanta strage. Ci tenimu oghje à fiancu à i soi. Cù tante cundugleanze afflite è u nostru sustegnu.

Gilles Simeoni, Président du Conseil Executif · Erate, incù Talou a to moglie, l’amichi sempre à porte è core aperti, incambiati da u tempu, fidi à i nostri sonnii, lotte è speranze di ghjuventù. Fieri di a vostra figliola Anne Camille, quant’ell’eranu fiere e vostre famiglie di voi. Di pettu à l’inumevule, simu, o Pè, à fianc’à i toii.

Jean-Baptiste Arena, Président de la Chambre d’Agriculture · À tè u travagliadore unestu, à tè u babbu di famiglia, à tè l’amicu di tante lotte cù quale avemu spartutu sperenze per l’avvene di sta tarra. Ti rendimu umagiu ; tù chì ti sì impegnatu incù noi tutti per una sucetà agro-pasturale fundata nant’à a sulidarità è u rispettu di a persona umana. A to strada, fatta di travagliu, cù à i t’arrancciaghji di u Mandriolu, di passione è d’integrità, lascia un solcu vivu in u nostru mondu rurale. À a to famiglia, à i to cari, mandemu e nostre parte afflitte è a nostra sulidarità sincera. A Corsica ùn pò accittà d’esse una sucetà malata, induve a paura è a viulenza piglianu à suprana nantu à di u dialogu è a ghjustizia. Hè tempu di riflette inseme, cù rispettu è determinazione, per chì u nostru paese ritrovi a strada di a pace è di a dignità. Mai ùn lasceremu passa e forze bughjose è tenebrose chì arruinanu l’avvene di i nostri figlioli.

Paul André Fluixa · O Pè …. Tante lotte e speme spartute E ghjuverà à qualcosa di ramintà che t’ ere un tippu bè ? Dirittu, onestu, un travagliadorone, un omu fattivu, un militente di a prima ora, un sindicalistu agriculu impegnatu, un omu curagiosu ligatu à a so terra, oppostu à a speculazione, un amicu fidatu, un babbu fieru di a so figliola, un figliolu attenziunatu…ghjuverà à qualcosa ? Maladetta sorte à Cursichella ! So accasciatu, adduluritu… Un stridu ch’un vole sorte, lacrime asciutte..un spaventu ! E mo pensate à Talou è Anne Camille, i to parenti.. Mà ghjuverà à qualcosa ? …u to surisu

Saveriu Luciani, élu à l’Assemblée de Corse · O Pè ciò chì t’accade … a morte ciò ch’ella ci face oghje ghjornu. O tamanta disgrazia nant’à sta terra di Corsica. Corcia famiglia è poveru paese. Una preghera per tè stamane.

Jean-Félix Acquaviva, élu à l’Assemblée de Corse  · militante, sindicalistu,travagliadore onestu hè statu tombu.Una disgrazia di più.Tanti ricordi di lotte passate è di giuventù.Pinsemu forte à a so cumpagna,a so figliola,i so parenti è tutt’à a famiglia.Oghje simu torna afflitti è tristi. Ch’ellu ripos’in pace.

Jean-Charles ORSUCCI, Maire de Bunifaziu · J’avais milité à la CSC avec Pierre ALESSANDRI lorsque nous étions étudiants à Corte. C’était un homme de convictions et d’engagements, politiques et agricoles. Un Corse attaché à son île qui œuvrait pour son développement. Son assassinat m’attriste autant qu’il me révulse. Je présente à sa famille et à tous ses amis mes plus sincères condoléances.

Sindicatu Mossa Paisana · Una volta di più un omu, un babbu, un travagliatore … hè statu tombu. Un vulemu esse ghjudice oh altru specialistu di ciò ch’un si sà. Ma un omu chi travagliava à so terra hè statu tombu rientrendu in casa soia, dopu à sò ghjurnata. Chi vulemu purtà e lascià cumè visione e rispettu di a vita per e generazione a vene ? A traversu l’omu sindicalistu e militante. A MOSSA PAISANA e i sò militante prisentanu e sò parte afflite à a sò famiglia.

Paul-André Colombani Député de la Corse du Sud · Pierre Alessandri, agricultori unestu è ingagiatu, attacatu à a so terra, figura rispettata di u mondu sindicali è associativu, hè statu assassinatu arisera. E mo prime pinsate vanu à a famiglia è à i soi, culpiti da sta tragedia insuppurtevule. Li mandu tuttu mo sustegnu in sti mumenti di dulore è di pena. Per l’avvena di i nostri giovani è di a noscia terra, hè tempu di sciappà stu giritondu tumbatoghju.

Paulu Santu Parigi, Sénateur · Quantu tempu torna e mamme corse devenu pienghje un figliolu ? Quantu tempu torna i figlioli devenu pienghje un babbu, un fratellu, unu di i soi ? A Corsica è u so populu sò dannati da l’assassini è nunda i face piantà. L’onestu, u travagliatore, u paisanu quellu chì strazia hè cundannatu senza raggiò. Tù o Pè era di issa sterpa, di quelli chì ùn cedenu, chì luttanu, chì sanu u muscu è u valore di sta terra è u so tramandà. Riposa in a Santa Pace di a Vergine Maria . Amicu, à tutti i toi, e mo parte d’affettu è di core.

Poggioli Pierre ·  Dolu. L’horreur encore..tristezza! Pierre Alessandri, omu unestu, travagliadore, sindicalistu agriculu,tombu arrisera. E parole,i scriitti sò pocc’affare davant’a stu novu scumpietu.. In 2019, à sò distilleria era stata distrutta da incendiu..Duglianze afflitte à tutt’i soi.Risp

Paul-Felix Benedetti, élu à l’Assemblée de Corse · Pierre Alessandri era un travagliatori unestu è un omu sinceru. Hè statu tombu à tradimentu in u spinu. À u militenti è à l’amicu, mai ùn ci scurdaremi di tè.

Romain Colonna, élu à l’Assemblée de Corse · Sta mane, una volta di più, una volta di troppu, a Corsica pienghje unu di i so figlioli. Petru Alessandri, agricultore arradicatu, travagliadore di a nostra tarra, militante di u nostru paese, hè statu tombu. Prisintemu à tutta a so famiglia è à i soi e nostre cunduglienze afflitte. Ch’ellu riposi in Pace !

I Voci Di a Gravona · A terra Corsa hè stata torna intachata di sangue … d’un corsu … Un omu atore di u mondu agriculu chi cumpia a sò ghjurnata di travagliu. Un omu chi a pruvatu di difende à sò terra à traversu u sindicalismu. Un babbu, un maritu, un gravunincu. À Corsica à bisognu di campà serena per un avene lindu e schiettu per e generazione a vene. I membri d’I VOCI DI A GRAVONA prisentenu e sò parte à tutta à famiglia e a tutti i sò vicini. A muredda hè ghjunta a fina Chi lu sò prufumu porta u dolu Quandu vranu s’aviccina U mandriolu à persu un figliolu.

Lionel Mortini, Maire de Belgodère · “Ùn sì tombanu micca l’idee cù e balle.” Ma oghje, hè statu tombu un omu d’idee, un omu di bè, un travagliadore accanitu è un militante sinceru.Petru Alessandri purtava cun curagiu è cunvizione a voce di u mondu agriculu corsu, cun l’ideale chì a terra duvia firmà in manu à quelli chì a facenu campà. “Si ricunnosce u valore d’un omu à i so cumbatti.” Petru Allessandri si battia per l’agricultura, per u fundiariu, per a sulidarità trà agricultori, rifiutendu a rassignazione è l’inghjustizia.In tumbendu lu, hè un pezzu di u nostru cumbattu cumunu ch’elli anu vulsutu chjode.Ma u so ingaggiu ùn spariscerà micca cun ellu. Troppu crimini fermanu senza risposta.Troppu famiglie pienghjenu i so cari in u silenziu è u tralasciu. U Statu hà abbandunatu, a ghjustizia hà rinunciatu è a viulenza cuntinueghja à fà a so lege. St’andatura infernale deve piantassi.Hè ora chì a paura cambi di campu. Portu u mo sustegnu sinceru à a so famiglia, à i so cari è à i so cumpagni di lotta di u sindicatu Via Campagnola.Oghje, a Corsica perde un omu arrittu.

Camera Regiunale d‘ Agricultura · À tè u travagliadore unestu, à tè u babbu di famiglia, à tè l’amicu di tante lotte cù quale avemu spartutu sperenze per l’avvene di sta tarra. Ti rendimu umagiu ; tù chì ti sì impegnatu incù noi tutti per una sucetà agro-pasturale fundata nant’à a sulidarità è u rispettu di a persona umana. A to strada, fatta di travagliu, cù à i t’arrancciaghji di u Mandriolu, di passione è d’integrità, lascia un solcu vivu in u nostru mondu rurale. À a to famiglia, à i to cari, mandemu e nostre parte afflitte è a nostra sulidarità sincera. A Corsica ùn pò accittà d’esse una sucetà malata, induve a paura è a viulenza piglianu à suprana nantu à di u dialogu è a ghjustizia. Hè tempu di riflette inseme, cù rispettu è determinazione, per chì u nostru paese ritrovi a strada di a pace è di a dignità. Mai ùn lasceremu passa e forze bughjose è tenebrose chì arruinanu l’avvene di i nostri figlioli.

LDH-Corsica · Pierre Alessandri a été assassiné. Une fois de plus, la violence criminelle nous sidère, nous révolte, nous écœure. Avec beaucoup d’autres, la LDH peut témoigner de l’engagement profondément sincère et honnête de cet homme par son travail, par son militantisme politique et syndical, pour la Corse, son pays qu’il aimait tant et qu’il savait en danger. Lui-même et sa famille en avaient fait l’expérience avec l’incendie de leur exploitation en 2019. Comme beaucoup de ces crimes, incendies, assassinats, cet acte est demeuré impuni laissant les victimes seules, mais aussi notre société, sans explication face à une oppression sourde et permanente. Ce manque de justice est insupportable. La LDH est aux côtés de la famille de Pierre, de sa femme, de sa fille, de tous ses proches. Elle leur présente ses plus sincères condoléances.