(Unità Naziunale, Lutte Institutionnelle, Corsicacinfurmazione.org, Publié le 24 janvier 2025) 4 groupes issus du mouvement national sont représentés à l’Assemblea di a Giuventù, Voce Naziunale, Chjama à l’unità, Ghjuventù di u STC et Scelta Patriotta.
Voici le communiqué du groupe « Scelta Patriotta » :
Cari tutti,
Vulemu, incu piacere è onore, annuncià vi a creazione di u nostru gruppu « Scelta Patriotta ».
Stu gruppu si vede esse un gruppu di ghjovanni indipendentisti, vulendu scrive si in a lotta di liberazione naziunale. Da noi ghjovanni, studienti o liceani vulemu cuntinuà a battaglia chì hè stata intrapresa da omini di valore. Scelta Patriotta, vole affirma u so sustegnu puliticu à ogni manera di luttà è rende dinò onore à quiddi chì facenu a scelta di una lotta armata. Oghji vulemu alora difende u populu corsu è i so dritti; difende a nostra cultura, a nostra tarra, a nostra lingua, e nostre valore è in fine, senza sminticassi di u nostru stintu militante, difende a Ghjuventù Corsa chì será dumane u punteddu di a Corsica.
Hè impurtantissimu par noi di sviluppà l’ecunumia di u nostru paese: un’ecunumia chì permeterà u sviluppu di l’agricultura, di l’educazione è di u mentene di l’avvene di stu populu pè, a nostra emancipazione. Parlaremu dinò di i dimonii di a sucetà corsa chi cupliscenu ogni ghjornu u nostru populu. In stu locu di cuntrastu dimucraticu pugnaremu dunqua, una riflessione, una voce è un travaddu à l’altezza di ste sfide maiò. Hè alora aparta a nostra dimarchja à tutti quiddi chi a facenu soia. Chjamemu l’insemi di i membri di st’assemblea chi si ricunnoscenu ind’è a nostra dimarchja, à riaghjunghje ci par l’interessi di a Corsica Nazioni.
Femu a scelta di una Corsica libera è indipendenta.
Strada dritta è cori in fronti!
A nostra cuscenza hè resistenza!
Scelta Patriotta
Produit CORSU E RIBELLU
