(Unità Naziunale, Corsicainfurmazione.org, Publié le 21 Janvier 2025) Sulidarità tene sta sera à salutà a mimoria di Stefanu Angelotti, anzianu prigiuneru puliticu, mortu eri in esiliu carcerale.
Ci tenimu à fianc’à a so famiglia in sta prova tamanta è li mandemu e nostre parte aflitte.
Sulidarità tene dinù sta sera à palisà e so cundizione di detenzione.
Benchì presuntu nucente, hà vistu i so dritti fundamentali, frà i quali quellu di curà si, esse nigati da un amministrazione penitenziaria recidivista cù a benedizzione di u statu.
L’amministrazione ci hà sfurtunatamente, una volta dì più, dimustratu u so mancu di vulintà è a s’incapacità à assicurà a securità di i Corsi incarcerati in Francia.
Sulidarità chjama à u ritornu in terra Corsa di l’inseme di quelli chì sò mantenuti in esiliu carcerale.
Mandemu torna u nostru sustegnu è e nostre cunduleanze à a so famiglia è à tutti i soii.
Ch’ellu sia dolce lu to riposu,
À vedeci o Stè
Associu Sulidarità
22 Janvier 2025
Produit CORSU E RIBELLU
