(Unità Naziunale – Lutte de masse – Corsicainfurmazione.org – Publié le 03 décembre 2024) Pocu fà, emu riagitu à nantu à i reti suciali à a dicisioni d’a Corti amministrativa di Marseglia chì cunfirmaia a dicisioni d’u Tribunali amministrativu di Bastìa, chì dicìa « ch’ùn si pò micca parlà corsu à l’Assamblea di Còrsica, parchì a lingua d’a Ripùblica hè u francesu »…
Dicìami tandu « pocu impremi » è chì più chè mai ci vulìa à fà usu di u corsu, è ch’edda duvintessi a norma pà i nosci iletti, in tutti i circunstenzi…
Dipoi si sò mubilizati i ghjòvani. Di sicuru i sustinimu è i filicitemu ancu par avè briunatu u so disaccordu cù ‘ssa pusizioni vargugnosa d’u Statu francesu. Intantu, li vulemu fà piddà cuscenza ch’una mubilizazioni maiori ùn s’impruviseghja micca è chì u cuntestu ùn hè micca adattatu (cilibrazioni d’a Festa d’a Nazioni, ghjunta d’u Papa, avvicinanza di i festi di fin’ d’annata…). Meddu sarìa d’attimpalla par piddà u tempu di rifletta à una stratigìa… Ramintemu tandu, chì u Cullittivu “ PARLEMU CORSU ! ”, struttura indipindenti, luntana da i dimarchji partighjani, pò aiutà à l’adunita di tutti, al di là di i so diffarenzi. L’emu dimustrata in parechji uccasioni.
Ci tocca à truvà u tempu par inizià tr’è no, una cuncirtazioni…
Cullittivu “ PARLEMU CORSU ! ”,
Produit CORSU E RIBELLU
