« Chjamemu l’insemi di u populu corsu à tena si prontu à fà mossa » – #Corse

(Unità Naziunale – Lutte de masse – Corsicainfurmazione.org – Publié le 28 novembre 2024) Semi adduniti oghji quì à u Palazzu Naziunali, locu storicu di sta nazioni. Par palisà a dicisioni di u TA è sprima a noscia vulintà di salvà a lingua corsa. Prima ùn pudemu micca accità chì una manata di prucuratori è ghjudici pudissini dicida d’u distinu di a lingua corsa.

Hè un filu logicu par u statu è a ghjustizia culuniali di fà spariscia i lingui minuritarii.
Oghji più chè maì ci tocca à firmà i pilastri di sta lingua. Nè articuli di leghji nè mancu dicisioni amministrativi ci ani da impidiscia di fà usu di a lingua materna.
Chjamemu l’insemi di u populu corsu à tena si prontu à fà mossa. Aldilà di u muvimentu naziunali, chjamemu i sindicati, l’attori culturali, ecunomichi è i travaddadori di sta nazioni à manifistà in Corti dumenica u 1ma di dicembri.
Senza tè sò omu senza radica.
Fora di li mio lochi. Solu cum’è un rimitu
Strangeru d’ùn avveti in bocca
In ste cità chì neganu u to dirittu.
Senza tè sò orfanu.
Mutu di lingua materna
Sottu à u morsu culunialistu.
O lingua Corsa lingua eterna.
𝗨𝗡𝗔 𝗦𝗖𝗘𝗟𝗧𝗔, 𝗨𝗡𝗔 𝗟𝗢𝗧𝗧𝗔, 𝗨𝗡’𝗔𝗥𝗠𝗔𝗧𝗔 𝗖𝗛𝗜 𝗖𝗛𝗝𝗔𝗠𝗔 𝗔 𝗟’𝗨𝗡𝗜𝗧𝗔

Unione di a Ghjuventù In Lotta

 

« Assemblée de Corse : la Cour administrative d’appel interdit l’usage du #Corse lors des débats » Revue de presse et réaction de Gilles Simeoni.