« Una volta di più, un’uffesa culuniali fatta à l’identità culturali di u Populu corsu è à a demucrazia corsa »

I(Corsicainfurmazione.org – Publié le 25 novembre 2024) Intardizzioni di parlà corsu à l’Assemblea di Corsica : una volta di più, un’uffesa culuniali fatta à l’identità culturali di u Populu corsu è à a demucrazia corsa.
Avemu amparatu oghji chì, sicondu u ghjudicamenti di a Corti amministrativa d’appellu di Marsiglia, parlà corsu ind’è l’istituzioni di a Corsica hè cuntrariu à a Custituzioni francesi.
U fattu ch’edda sia pruibita à a raprisintazioni di u populu corsu di parlà a so lingua, in a casa di u populu corsu, ci ramenta mumenti pessimi di a noscia storia.
Bisognu ci hè piu chè mai, di cambià a Custituzioni pà dà un statutu d’ufficialità à a lingua Corsa, in terra corsa !
Hè una brama demucratica spressa da i Corsi è i so eletti. Hè u sensu di a Storia è di a Ghjustizia. Hè una necessità.
Oghji più chè mai hè chjarissima : tocca à a Custituzioni francesi di cambià, è micca à a lingua corsa è à u populu corsu di spariscia.
Lingua corsa, lingua ufficiali !
Partitu Femu a Corsica

« Assemblée de Corse : la Cour administrative d’appel interdit l’usage du #Corse lors des débats » Revue de presse et réaction de Gilles Simeoni.