« Si n’hè andatu à l’Eternu Antoine Paoletti » – « È po marchjà » – #Corse

Si n’hè andatu à l’Eternu Antoine Paoletti.

Alta Frequenza Militanti puliticu è culturali di sempri, parsunalità cunnisciuta è stimata di i circondi aiaccini, era di a squadra prima di i Voci di a Gravona. A so canzona più cunnisciuta, « Eppo’ marchjà », purtaia in u so titulu tuttu l’impegnu chì fù u soiu. Alta Frequenza prisenta i so dulianzi sinceri à i soi tutti.

Associu Sulidarità : Si n’hè andatu à l’eternu, troppu prestu u nostru amicu Antoine Paoletti Militante culturale di prima trinca Sulidarità prisenta e so cundulianze afflitte à tutti i soii . Ch’ellu riposi in Pace. Avvedeci o grincheux.

Gruppu L’arcusgi Ghjè cù una tristezza maiò chì venimu d’amparà a nutiziaccia… Antò Paoletti si n’hè andatu per l’ultimu viaghju à cantichjà in paradisu…hè propiu cù u core agguaiatu chì mandemu e nostre sincere cunduglianze à tutt’i soii è un abbracciu afflittu à tutti quelli chì eranu vicinu a ellu. Era un’amicu, un fratellu, un cumpagnu di cantu è ne teneremu un ricordu tremendu. Avvedeci o Antò è riposa in santa pace.

I voci di a gravona:  A traversu l’universu Rimbumbarà a tò voce, Tra i Rimi e a to ghitara Tornera sempre a riturnella Fata di duie parolle Di passione e sincera U spaventu di stintu e di core D’un babbone inc’un ardore. Oramai spassighjeghji Ancu tù per i pastricciali Arrimbatu a i to amichi Per i chjassi canterini Marchjeremu ancu noi Per a santa libertà Stampata incu a tò voce A l’eternu caru cumpà Antoine Paoletti.

 Femu A Corsica  : Si n’hè andatu à l’Eternu Antoine Paoletti. Militanti puliticu è culturali di prima trinca, era di a squadra prima di u miticu gruppu di i Voci di a Gravona. Marchjaia com’è u so Populu, « Incù lazziu di cantà A parola Santa è Pura, U nome di libertà » Femu A Corsica prisenta i so cunduglianzi sinceri à a so famiglia è à i soi.