« U nostru muvimentu si tene à fiancu di e so famiglie è l’assicuremu di u nostru sustegnu u più determinatu » – #Corse

(Revue de presse – Corsicainfurmazione.org – Publié le 7 février 2024) A Ghjuventù Indipendentista hà amparatu cù tamantu sdegnu è collera u piazzamentu in detenzzione pruvisoria di u nostru amicu è anzianu militente Antò Simoni è l’assignazione à residenza in Marseglia di Niculaiu Pinzuti.

U nostru muvimentu si tene à fiancu di e so famiglie è l’assicuremu di u nostru sustegnu u
più determinatu. Allora chi certi si feliciteghjanu di qualunque avanzate, u putere culuniale èaso ghjustizia
più chè pulitica provenu u cuntrariu. Cù ste decisione indegne è vargugnose, a Francia si lancia in un ghjocu periculosu.

Li privenimu chi a ghjuventù corsa puderà mubilizà si, cume durente e rivolte di Marzu 2022.

Mandemu dinù in missaghju à u putere dettu naziunalistu.

S’è no simu rivenuti à issu schema di i più pessimi, hè colpa vostra dinù. Voi ch avete preferitu u cunfortu di i futtoglii aiaccini è pariggini à un veru raportu di forza istituziunale è pupulare à contu di a Corsica, è solu di a Corsica, ùn avete ricivutu in ritornu chè musttacciate di u statu è u ritornu di a lotta a più dura per quelli chi l’approvenu è a sceglienu, allora chi tuttu era in cundizione per un avvene spannatu.

Per contu nostru, ci teniremu à a visione chi hà sempre fattu u naziunalismu veru, quella di a determinazione è di una andatura schietta.

Libertà per Antò è Niculaiu !
A Francia Fora !
A Nostra Cuscenza Hè Resistenza !

Ghjuventù Indipendentista

 

Revue de presse – « Un militant assigné à résidence sous contrôle judiciaire, un autre maintenu en détention » – dossier corse