(Unità Naziunale – Lutte Internationale – Publié le 5 février 2024) SOLIDARIEDADE A SOS INDIPENDENTISTAS CORSICANOS contra a s’istadu frantzesu criminale.
Mancu a duas dies dae sa naschida de su paridu indipendentista nou, NAZIONE, intro su cle bi est Corsica Libera e ateros movimentos chi si bi sunt aunidos, s’istadu frantzesu at cumintzadu sa repressione e che at ghetatdu giannas, ghetadu a terra famiglias cun pitzinnos minores, segadu giocatulos de pitzinneddos, arrestadu persones e deretu deportados in Frantza.
No est sa repressione chi at a firmare sa luta de liberatzione natzionale de unu populu. SNI at a essere che a semprere a costatzu de sos indipendentistas corsicanos.
Bustianu Cumpostu
—-
SOLIDARIEDADE CUN SOS ARRESTADOS INDIPENDENTISTAS CORSICANOS DE “NATZIONE” NOVA ONDADA REPRESSIVA CONTRA S’INDIPENDENTISMU CORSICANU
Su passadu 28 de ghennàrgiu fiat concruidu su protzessu de unidade de s’indipendentismu corsicanu, protzessu cumintzadu su passadu 15 de santugaine in un’assemblea generale a Corti e a pustis de atos preparatorios in su territòriu chi aiant permìtidu sa confluèntzia de diferentes setores de cumbata de su movimentu de liberatzione natzionale de sa Còrsica:
sindacales, giòvanas, organizatziones polìticas antirepressives e, in ispetziale, Corsica Libera, s’organizatzione istòrica de s’indipendentismu corsicanu. Sa organizatzione noa chi essit si narat Nazione e mantenet intatos sos printzìpios e obietivos de s’indipendentismu corsicanu.
Sa risposta de s’istadu coloniale frantzesu non s’est fatu isetare, duas dies a pustis sunt detentos duos membros de sa diretzione natzionale de su movimentu nou Nazione, Nicolas Pinzuti e Antò Simoni. Custa operatzione de sa politzia cumprida dae òrdine de su Procuratore Natzionale Antiterrorista (PNAT) mustrat craramente una boluntade deliberada de agressione contra sos militante corsicanos e sas famìlias suas: portas ghetadas dae esplosivos, babbos de famìlias ghetados a terra e presos in presentzia de sos fìgios suos, domos ispèrdidas, gigios de pitzinnos in manera intentzionada segados, tramudada arbitrària a París de duos militantes de gabbale e rispetados , pro su motivu ùnicu de sos cumbinchimentos politicos indipendentistas suos.
Antò Simoni est unu giòvanu militentes firmamente impignadu in sa cumbata pro s’indipendèntzia de sa Còrsica, issu e sa famìlia sua sunt istadas unu de sas avnguardias de su movimentu Indipendentista corsicanu. Sa solidariedade non s’est fata isetare e si sunt produidas cuntzentramentos in sa Còrsica e a livellu internatzionale. Sos arrestos de militantes de Nazione sunt istados denuntziados dae su Grupu Initziativa de Baku, de su chi faghent parte su FLNKS e Tavini chi in die de oe tenent sa presidèntzia de su guvernu de sa Noa Caledònia e sa Polinèsia. Nois indipendentistas sardos de Sardigna Natzione Indipendentzia damis sa totale solidariedade nostra a sos sos militantes indipendentistas de Nazione, vìtimas de sa repressione coloniale frantzesa e aderimus a sa declaratzione cundenna de sos arrestos de sos indipendentistas catalanos de Estat Català e de su Grupu Initziativa Baku.
Basta repressione! Liberos sos patriotas corsicanos!
Sardigna Natzione Indipendentzia
Produit CORSU E RIBELLU
