[Dolu] Si n’hè andatu à l’eternu Simon Fazi

(Unità Naziunale – DOLU – Publié le 24 octobre 2022) Simon FAZI, militante naziunalistu di e prim’ore, arradicatu à a so terra, Omu di stintu è di valore, si n’hè andatu à l’eternu …

Ch’ellu riposa in Santa Pace

—-

PARTITU FEMU A CORSICA : Imparemu incù pena chì si n’hè andatu à l’eternu Simon Fazi.
Agricultori arradicatu à a so vigna è a so terra, militanti naziunalistu di prima trinca, Simon Fazi faci parti di a generazioni chì s’hè pisata di pettu à l’inghjustizia è u culunialisimu.
À a so moglia Julie, i so figlioli Silvia è Lucia, a so figliulina Ghjulia-Maria, è à tutti i parsoni tocchi da issu doliu, Femu a Corsica manda i so parti sinceri.

Gilles Simeoni : Si n’hè andatu Simon Fazi. Patriottu di e prim’ore, arradicatu ind’a so tarra, omu di pace è di stintu, imprigiunatu à tortu da u Statu ch’hà messu vint’anni per ricunnosce i so torti. Pienghjimu incù i soii.