« A decisione scema di strughje u Ponte di Casaluna, hè una prova di più di l’assenza di stintu Corsu » – #Corse

(Unità Naziunale – Lutte de masse – Publié le 8 septembre 2022) A decisione scema di strughje u Ponte di Casaluna, hè una prova di più di l’assenza di stintu Corsu, o almenu di bon sensu ind’a Cullettività di Corsica.
Averianu pussutu crià un ponte novu è salvà a struttura di Casaluna, ma anu sceltu di lampà in terra u pezzucciu di storia.

St’amministrazione sradicata di e rialità suciale, culturale, è oghje storiche, s’assumilgia di più in più à una cullettività lucale francese, cum’è n’esistanu tant’e più.

Cum’è u nostru populu, smarisce u patrimoniu anticu di a nazione.

Per sfurtuna, l’esempii di tralasciamentu o di struzzione vulintaria di a mimoria impitrata sò parechji.

S’arruvinanu i cunventi di Sant’antone di a Casabianca è San Francescu d’Orezza, è cun’elli l’Idea Naziunale.

Cum’è stu Ponte chì s’affonda, petr’à petra, seremu prestu resi, noi dinù à u fiume di a storia.

Svegliemu ci, chì tempu ùn ci ne ferma tantu.

Prupuneremu da quì à pocu un prughjettu di riacquistu patrimuniale è di ricustruzzione di u patrimoniu storicu.

Vidéo trouvée sur Tik Tok

@frontepaisanu A decisione scema di strughje u Ponte di Casaluna, hè una prova di più di l’assenza di stintu Corsu #foryou #pourtoi #corse #corsica ♬ son original – Maguy Vergogna