Serata per tutti i patriotti è in umaggiu à Yvan Colonna – #Corse

(Unità Naziunale – Lutte de masse – publié le 29 avril 2022) Sabatu, u 7 di maghju in A Ghisunaccia.

Prevista à l’iniziu di marzu, sta serata di sulidarità era stata attimpata per via di a morte, in u frattempu, d’Yvan Colonna.

Sabatu, u 7 di maghju, in veghja di a cummemurazione di Ponte Novu, si saluterà a so memoria è quella di tutti i naziunali spariti st’ultimi cinquant’anni per a libertà.

In u filu di a storia, l’associu Fiumorbu Dumane invita i Corsi à affaccassi per sparte una stonda di sustegnu, di scambiu è di cantu, in umaggiu à tutti i patriotti, quelli sempre incarcerati è dinò quill’altri tutti, anziani prigiuneri o militenti di a causa, sempre indiati ind’è e lotte di u Populu Corsu.

Principierà a serata incù una cunferenza di l’anziani prigiuneri pulitichi. Dopu, cantaranu i gruppi i Mantini, l’Arcusgi è Canta u Populu Corsu, per un cuncertu maiò di sulidarità.

Associu Fiumorbu Dumane