(Unità Naziunale – Lutte de Masse – lutte institutionnelle – publié le 7 mai 2021) Dapoi 40 anni, l’Arcusgi s’impegna in a lotta di liberazione naziunale. Simu sempre stati di tutte e lotte ch’elle sianu pulitiche, culturale o suciale cù a primura di purtà,senza mai rifiatà, sustegnu à tutt’i prighjuneri pulitichi .
L’unione trà i naziunalisti dinù… l’emu augurata…l’emu sustenuta.
Ghjè per quessa chì oghje ci vulemu sprimà, cum’è gruppu, cum’è omi, cum’è militanti di a lotta di liberazione naziunale.
Un pattu hè un pattu…una prumessa hè una prumessa… è u ghjuramentu hè statu fattu davanti u populu chì ellu solu hè maestru. In aspettendu forse qualchì chjarificazione, pensemu ch’ùn si pò cuncede chì un partitellu puliticu si prisentessi davant’à u populu cù un pattu, un prugettu, una speranza, solu per diventà un partitone ignurendu quand’ell’hè compia u populu chì l’hà purtatu !
L’arcusgi cum’è a maiò parte di u populu corsu hè frasturnatu è dillusu di tante sperenze lampate in arca…è chjama u populu corsu à fassi sente per a ricunquista naziunale ! Per contu nostru, sperendu in l’avvene, cuntinueremu à suminà nant’u solcu di l’antica storia, quellu di a memoria cumuna chì face u nostru populu è a nostra Nazione ! Abbracciu à tutte è à tutti è à ritruvaccì !
TAMANTA IMPIA STRA(D)A…
L’arcusgi
Produit CORSU E RIBELLU
