(Unità Naziunale – lutte de masse – Publié le 8 décembre 2020 à 14h08 – article du 6 décembre 2020) « Festa di a Nazione, l’8 di dicembre, una casa, una bandera per a Nazione ! »
U PNC lampa una chjama per a celebrazione di a Festa di a Nazione per l’8 di dicembre: « Una casa, una bandera per a Nazione ! »
Marti chì vene, l’8 di dicembre, a Corsica hà da celebrà a festa di a Nazione.
Quist’annu, riguardu à a situazione sanitaria, seranu poche l’occasione d’adduniscesi per salutà a memoria di l’antichi patriotti ch’avianu pruclamatu u Regnu di Corsica in lu 1735 di pettu à Genova.
Dipoi sempre, sta festa di l’Immaculata Cuncezziò, Regina di Corsica, hè quella di a storia d’un Populu magiore in brama di libertà.
Di pettu à a Storia di e so lotte, fà sventulà a bandera naziunale ferma un’attu militante per u Partitu di a Nazione Corsa.
Marti, ghjornu santu di memoria, di spartera è dinò di speranza, azzincate a nostra bandera testa mora nant’à tutte e case, in paese o in cità, per dà forza è curagiu à i nostri ghjorni à vene.
Spartite sta chjama, è ditela à tutti i corsi di fanne altr’è tantu è ch’elli spartinu magaru l’iniziativa patriotta.
Populu Corsu, marti, l’8 di dicembre, fà sventulà a to bandera, è ùn ti scurdà di a to storia quand’è tù guardi l’Avvene : » una casa, una bandera, per a Nazione Corsa ! »
Partitu di a nazione Corsa
6 décembre 2020
Produit CORSU E RIBELLU
