(Unità Naziunale Publié le 25 novembre 2019) Dipoi uni pochi di mesi accrescianu sfarenti formi di viulenza contr’à i nosci campagnoli, travadadori e allivatori di a tarra :
– Pastori e muntagnera impediti in Tavera.
– l’impresa di Petru Alessandri brusgiatu in Sarrula.
– A banda di capri di Petru Francescu Giraschi brusgiata in Portivechju.
– Baracconu agriculu di a famidda Mondoloni brusgiatu in Ulmetu.
Issi ultimi fatti raghjunghjanu una lista di malfatti dighjà troppu longa chi metti in rilievu una viulenza chi si ni pidda à a noscia civilisazioni agricula è pasturali. I fundamenti d’issa civilisazioni sò in priculu. Muscia dinò chi si circa à impona un altru tippu di sucità cuntrariu à i nosci usi è valori. Altru tippu si sucità ancu purtatu da uni pochi di scrucconi chi un anu nudda à veda incu l ‘insembu di tutti quiddi chi campanu di a sana splutazioni di a tarra. Issi scrucconi servini u culunialìsimu francesu.
U culunialìsimu francesu ci porta in malavia…
Par contu nosciu chi avemu e cuntinuemu à pata a riprissioni par a difesa di a noscia tarra, chjamemu ogni corsu à rifletta bè nant’à ciò chi si passa par fala finità incu ‘ssi pratichi indegni .
Simu e saremu sempri à fiancu à tutti quiddi campagnoli, donni e omi libari di a Nazioni Corsa.
PATRIOTTI
Produit CORSU E RIBELLU
