(Unità Naziunale Publié le 23 juillet 2019) Si n’hè andatu pè l’altru mondu u nostru amicu è militenti di a prima trinca PETRU VACHET NATALI
Tamanta tristezza, tamantu dolu pè u naziunalìsimu corsu, tamanta pèrdita pè a Sezzione Castagniccia. A sezzione prisenta e so cunduglianze afflitte è fraterne à i soi è saluta a memoria di ssu militente instanchèvule di a càusa corsa .
Riposi in pace o fratellu.”
CORSICA LIBERA Sezzione Castagniccia
Si n’hè andatu Petru ..
S’hè spentu u nostru fratellu Petru Vachet Natali, militante, pueta , scrittore, impegnatu di sempre ind’a lotta naziunale. Sin a l’ultim’ora Petru s’hè tenutu à fianc’à i prighjuneri …Un ci scurderemu di u so sustegnu.
A a so famiglia , l’associu Sulidarità prisenta e so cundulienze afflite.
Associu Sulidarità
In umaggiu à l’amicu, à u militante, à u pueta, « Castagniccia ribella » (I Muvrini, parolle : Petru Vachet-Natali).
Riposa in pace, fratellu.
Jean-Guy Talamoni
Si n’hè andatu Petru Vachet-Natali. Patriottu di e prim’ore, pueta, omu di stintu è di core, ci lascia abbanbanati da issa partenza subitania. Cunduglianze afflitte à tutti i soii.
Gilles Simeoni
Hè mortu à #PetruVachetNatali, pueta, scrittore è militente di Corsica Libera.
Uriginariu di A Ficaghja, in Castagniccia, Petru era un omu dirittu è sinceru, stimatu da tutti, chì avia sperenza è fede in un ideale di Nazione pè a Corsica di dumane.
Bastia, cità induv’ellu campava dinù, hè anch’ella trista sta sera.
A sezzione Bastia di #CoreInFronte face e so parte di dolu à a so famiglia.
Ch’ellu sia in locu d’eternu riposu.
CORE IN FRONTE
Produit CORSU E RIBELLU
