(Unità Naziunale Publié le 5 mai 2019) U 5 di maghju a risistenza corsa francaia una tapa nova. Era natu u Fronti di Liberazioni Naziunali di a Corsica.
Pà anni è anni, u Fronti hà mantinutu un rapportu di forza di pettu à u culunialìsimu francesu, accriscendu i so ranghi è dimustrendu chì, malgradu a riprissioni, firmaia una struttura populari chì nudda ùn pudia sradicà.
Hà purtatu dinò a nicissaria riflessioni pulitica è rivuluzionaria, rinfurzendu nant’à tutti i tarreni è spazi di lotta u cumbattu di liberazioni naziunali è di spannamentu suciali.
Al di là di i rutturi di a storia, di l’inflitrazioni è di l’intesti interni è sanguinosi, al di là di i rinigamenti pulitichi d’uni pochi, u Fronti hà sempri mantinutu, in a diversità di i so sprissioni, u filu di a lotta è di a storia.
Oghji nimu ùn pò impatrunisciasi d’issu simbulu storicu.
Par contu nosciu, militenti di u culletivu « Patriotti », rammintemu à tutt’ugnunu i basi iniziatrici di u Fronti in 1976 : a libartà o a morti.
A lotta cuntinuighja !
PATRIOTTI
Produit CORSU E RIBELLU
