(Unità Naziunale Publié le 24 avril 2019) U presidenti francesu, Emmanuel Macron, hà pruvatu à impona a so lezioni tipicamenti culuniali di « duveru di mimoria ».
Comu si un populu culunizatu duvia essa dinunciatu comu solu rispunsevuli di a situazioni di cunflittu è di i so cunsiquenzi incù u puteri chì u sfrutta. Rammintemu à issu presidenti disprezzevuli è à a so ministra di i sporti, Rossana Maracineanu, l’ingaghjamentu piddatu à u niveddu di u Statu francese nant’à a data di u 5 di maghju di u 1992 è a sacralisazioni d’issa data. Oghji u stessu Statu nega torna i so prumessi, mittindu d’accantu i 18 morti è i 2000 feriti di l’epica. Innò, o sgiò Presidenti Macron, ùn pudeti pratenda à a maestria d’issu duveru di mimoria !
Oghji hè u stessu Statu chì, incù u so apparechju ghjudiziariu, s’accanisci contr’à noi – anziani prighjuneri pulitichi – ingaghjati in u culletivu « Patriotti ». Un passu di più hè francatu, dopu à a manifestazioni populari di u 13 d’aprili, incù u ghjudicamentu à u Tribunali d’Ecchisi di u nosciu frateddu Ghjuvan Filippu Antolini.
commandez en ligne vos produits « Corsu è Ribellu » du siècle dernier
Di fatti, u cartulari di u nosciu aderenti hè dilucalizatu ! U rimprovaru ? Un filmettu di l’audienza di sittembri 2019 à u mumentu induva erani ghjudicati in Bastia, 3 militanti di Patriotti chì ricusanu di sottumettesi à u FIJAIT. Issu filmettu saria statu missu nant’à i reti suciali.
U nosciu militanti Ghjuvan Filippu ANTOLINI hè statu missu in accusa par stu fattu. Cunvucatu da a pulizza, hà ricusatu di risponda à i dumandi di i pulizzeri, dicendu chì a so cunvocazioni era una pruvucazioni pulitica : hè un rimprovaru micca di fatti o atti, ma di delittu d’upinioni.
Finalmenti, u prucuratori di Bastia hà dumandatu ch’ellu sighi spaisatu u prucessu. L’affari era sicuramenti troppu impurtanti è troppu grava per essa ghjudicata in Corsica ! A corti di cassazioni hà decisu di fissà u prucessu in Ecchisi (Pruvanza). Ufficialmenti, a corti di Bastia ùn pudia micca ghjudicà fatti chì toccanu i ghjudici di Bastia. Ma u fattu merita d’essa nutatu, parchì par a prima volta (à a noscia cunniscenza) in a storia ghjudiziara di Francia, un accusatu hà da esse ubligatu di cambià di rughjonu, è di francà u mari per essa ghjudicatu per un filmettu missu annant’à Facebook !
À malgradu ciò ch’iddi dicini per esattamenti i stessi rimprovari, sò numarosi i Francesi chì sò stati ghjudicati da i corti ch’iddi erani accusati d’avè filmatu. A solu sfarenza ind’è u nosciu casu hè chì chivi si tratta di un rispunsevuli puliticu.
A vulintà di u statu francesi hè bella chjara : cuntinuà in a via di a riprissioni di pettu à u populu corsu !
Diranghja u nosciu cullitivu, parchì iddu porta una nova è forta voci di fronti à u Statu francesu. Diranghja, parchì porta una nova adunita di parechji anziani prighjuneri pulitichi chì ricusani di stà zitti è di calà u capu. Diranghja, parchì permetti i nicissari mubilisazioni populari contr’à a riprissioni. U puteri francesu circa à ammutulicci. Ma oghji u so oghjettivu hè fiascatu di pettu à a vulintà di u nosciu populu chì hà musciatu bè a so ditirminazioni in carrughju accant’à noi incù un solu missaghju : a lotta cuntinuighja !
Mandemu à Ghjuvan Filippu u nosciu sustegnu fraternu è patriotticu. Dumandemu à u guvernu francesu di piantà a so opara cuercitiva contr’à noi, è ch’iddu mittissi piuttostu in ballu un’andatura di difinitiva soluzioni pulitica, fendula finita incù i tribuleri ripressivi.
Riprissioni : avà basta !
Patriotti
Produit CORSU E RIBELLU
