(Unità Naziunale Publié le 22 février 2019) Unu di i punti maiò d’issa lotta di libarazioni naziunali ch’emu ingaghjatu tandu era a difesa di a noscia lingua, a so piazza è u so rolu originaghju in cori di u populu.
Era unu di i nosci punti di risistenza è di riacquistu.
Oghji, a lingua corsa hè sempr’in priculu, supranata ch’idda hè da u francesi – lingua di l’occupanti – in a vita cutidiana.
I debuli passi ottinuti da tanti anni di rivindicazioni è di mossa ùn bastani. U sistema educativu francesi ricusa par principiu a rialtà umana di i lingua sottumessi da a Francia è u so insignamentu.
A noscia lingua ripiddarà tutt’a so dimensioni sucitali in u rinforzu di a lotta di libarazioni naziunali, suciali è culturali.
PATRIOTTI porta u so sustegnu à tutt’ssi ghjovani chì si mubiliseghjani di pettu à u francesi chì s’impatrunisci.
PATRIOTTI dinunzia a riprissioni impiegata contr’à i liciani è assicura di a sò appoghju puliticu Marcu Andria Murati è Ghjulianu Romagnesi.
PATRIOTTI chjama à a mubilisazioni di tutti quiddi chì ricusani a francisata !
Hè di tempu di cuncolta paisana è patriottica !
PATRIOTTI
Produit CORSU E RIBELLU
