U tribunale di cummerciu di Bastia hà prunuziatu eri a liquidazione ghjudiziaria di u settimanale 24 ore…Avia pigliatu a so piazza fra i media lucali, dui’anni fà…Hà principiatu annantu à u modu oghjincu nanzu di diventà una publicazione settimanale cù a diffusione di qualchi migliali d’esemplarii…
Omu u ritruverà torna pendante duie settimane. Cù un debitu di un millione è 600 milla euros, ellu ùn putia tene…Perdenu u so travagliu 15 persone. Nove altre, so in traccia di mette in piazza un prughjettu per rilancià u so ghjurnale annantu à u modu di una sucietà cooperativa.. A sparizione di un ghjurnale hè una gattiva nutizia, tante è piu chi 24 ore era una richezza pè a pluralità mediatica, cio chi ghjè un bè per a demucrazia…
Sapiate d’ava chi u nostru invitatu sta mane à 7 ore menu un quartu serà u capu redattore di u settimane 24 ore, Olivier Roulot…Rispunderà à e dumande di Henri Mariani.
*Vous aimez cet article ? Faîtes-en profiter vos amis !
Faites passer l’information autours de vous en cliquant sur :
Produit CORSU E RIBELLU
