Corse, Corsica – Pusizione à nant’à A Cunsulta Naziunale (A Manca)

A Manca chjama tutti l’attori indiati inde u sviluppu di A Cunsulta Naziunale, puntellu di a Corsica libera, autogestiunaria è dimucràtica chì noi circhemu à custruisce, à accuncià si è à rimettèsi d’accunsentu à prò di l’andattura di stu prugettu fundamentale. Tocca à tutti di lascià da cantu u tempu di i cunflitti pà dà à sta Cunsulta tuttu u so pesu puliticu è a so primura. Lampemu una chjama à l’inseme di st’attori ch’elli rinvianu à un’altra data, ch’elli attimpinu à l’alizzione di dumenica postu ch’ella hà da perde tutta a so impurtanza s’ella accade inde ste cundizione.