(Unità Naziunale – 30 janvier 2018 – 18h45) U Riacquistu di Portivechju, associu patriotticu purtivichjacciu chjama tutti quiddi chi si riconoscini in a filusufia di a so dimarchja à participà à a manifestazioni urganizzata in Aiacciu u 3 di frivaghju.
U rispettu di a dimucrazia, u rispettu di u drittu, a pussibilità di scedda da par noi u nosciu avvena sò punti maiò chi u Statu francesu e i so rapprisententi un poni nigà cusi.
U dialogu apartu un pò essa sviatu di u so scopu naturali. À u guvernu francesu chi ricusa a noscia vulintà manifistata da un votu maghjuritariu par un novu statutu evolutivu, oppunimuli a mubilizzazioni populari. Comu nudda un si pò fà senza u populu, nimu un po nigà i so aspirazioni à campà libaru. L’ ha da muscià in carrughju.
Hè oramai tempu di mubilizzazioni. Contr’à dipindenza e a sughjezzioni in a quali a Francia ci ha chjusu. Par una nova pulitica ch’iscrivi a Corsica in un andatura nova di maestria !
Hè ora di movaci tutti insembu !
Tutt’in Aiacciu u 3 di frivaghju !
U Riacquistu di Portivechju
Produit CORSU E RIBELLU
