Petru Fondacci hà principiatu cum’è stitutore bislingu per diventà più tardi cunsiglieru pedagogicu LCC pè u primu gradu.
Passiunatu di cantu, hè statu unu di i fundatori di i Chjami Aghjalesi. Hà cumpostu parechje musiche di u primu discu (Nant’à u solcu di a storia, 1978) è u segondu (Esse, 1982), è ne canta qualchiduna.
Qualchì annu dopu face parte di Zia Devota, gruppu pop-rock antivistu è ovni musicale di l’anni 80. Una piccula rivuluzione tandu.
Ma Petru Fondacci avia parechji talenti è hà avutu dinù una vita à a radio. Nant’à RCFM participava à U corsu currente (lezziò di corsu cun Francescu-Maria Perfettini) è sopr’à tuttu I Scrianzati (cun Petru Mari, Patrizia Poli, Daniel Pariggi), l’emissione scherzosa, chì tuttu u mondu stava à sente tandu.
Quandu a nutiziaccia s’hè spartuta, sò tanti à avè vulsutu rendeli omagiu nant’à e rete suciale.
Hè cù una tristezza infinita ch’è noi pensemu à ellu.
A PIAZZETTA
Si n’hè andatu à l’eternu Petru Fondacci, omu sinceru è militente culturale, anzianu cantadore di I Chjami Aghjalesi è di gruppu Pop Rock di l’anni 80, Zia Devota.
Un abbracciu à tutti i soii.
U Rinnovu Naziunali
Una pinsata fraterna per Petru Fondacci, militante di a causa culturale corsa. Ch »ellu riposi in Pace ab eternu. #Dolu
— Jean Felix Acquaviva (@JF_Acquaviva) 3 juin 2017
S’in’hè andatu Petru Fondacci… Versu l’eternu. Duglianze afflitte à tutti i soi
Riposa in pace
Petru Poggioli
Romain Colonna : À l’amicu Pierre Fondacci partutu troppu prestu ! Isse parolle
di valore, di spartera, di cultura, d’amicizia, di tarra soia, di vita, è a so voce. Da ricurdà ci sempre !
Saveriu Luciani
Avvedeci o Pè ….
Per tè caru stasera
l’eternu d’un cantu à a Santa di Niolu
è stu ritrattu di i nostri vint’anni …
Produit CORSU E RIBELLU
